ᒪᐃ 2024

ᐃᓱᒪᒋᓪᓗᒋᑦ ᐃᖅᑲᓇᐃᔭᕐᕕᖕᒥ ᐋᖅᑭᒃᓯᒪᓂᕐᒧᑦ ᐃᖢᕐᕆᓂᕐᓄᑦ ᐅᓗᕆᐊᓇᕈᓐᓇᖅᑐᑦ, ᐃᖅᑲᓇᐃᔭᖅᑏᑦ ᐱᓕᕆᐊᒃᓴᖃᖅᐳᑦ ᐱᒻᒪᕆᐅᔪᒥᒃ ᓇᓗᓇᐃᔭᐃᓂᕐᒥᒃ ᐅᓗᕆᐊᓇᕈᓐᓇᑐᐃᓐᓇᕆᐊᓕᖕᓂᒃ ᐊᑐᖃᑦᑕᖅᑕᖏᑦ ᖃᐅᑕᒫᑦ ᐱᐅᓯᕆᕙᒃᑕᖏᓐᓂ. ᓇᓗᓇᐃᔭᐃᕌᓂᒃᑎᓪᓗᒋᑦ ᐅᓗᕆᐊᓇᕈᓐᓇᖅᑐᓂᒃ, ᐃᖅᑲᓇᐃᔭᖅᑎᑦᑎᔩᑦ ᐊᒻᒪᓗ ᐃᖅᑲᓇᐃᔭᖅᑏᑦ ᑲᑐᔾᔨᓗᑎᒃ ᐊᐅᓚᑦᑎᔪᓐᓇᖅᑐᑦ ᐅᓗᕆᐊᓇᕈᓐᓇᖅᑐᓂᒃ ᐊᒻᒪᓗ ᐅᓗᕆᐊᓇᓗᐊᕈᓐᓃᖅᑎᓪᓗᒍ ᐋᓐᓂᕐᓂᕐᒧᑦ.

ᐃᔾᔪᐊᖅᑕᐅᔪᓐᓇᖅᑐᑦ ᐃᓚᖏᑦ ᐱᓕᕆᐊᖃᖅᑎᓗᒋᑦ ᐅᓗᕆᐊᓇᓗᐊᖅᑐᑦ ᐃᖅᑲᓇᐃᔭᕐᕕᖕᒥ ᐋᖅᑭᒃᓯᒪᓂᕐᒧᑦ ᐃᖢᕐᕆᓂᕐᓄᑦ ᐅᓗᕆᐊᓇᕈᓐᓇᖅᑐᑦ ᐱᖃᓯᐅᑎᓪᓗᒋᑦ (ᑭᓯᐊᓂᓕ ᑭᒡᓕᐅᙱᑦᑐᑦ ᐅᑯᐊ):

• ᑕᐃᒪᐃᓕᐅᔅᓇᐃᓐᓇᕐᓂᖅ – ᐃᓚᖃᖅᐳᖅ ᑕᐃᒪᐃᓕᐅᔅᓴᐃᓐᓇᖃᑦᑕᕐᓂᕐᒥᑦ ᐱᓕᕆᐊᒃᓴᒥᑦ, ᑖᒃᑯᓂᖓᔅᓴᐃᓐᓇᖅ ᓄᑭᕐᔪᐊᓂᑦ ᐊᑐᐃᓐᓇᐅᔭᕐᓗᓂ.
• ᐃᖅᑲᓇᐃᔭᑦᑎᐊᖃᑦᑕᙱᓐᓂᖅ – ᐃᖅᑲᓇᐃᔮᒧᑦ ᐱᓕᕆᐊᖃᕆᐊᖃᖅᐸᑦ ᑭᕕᒃᓯᑲᑕᒋᐊᖃᕐᓗᓂ, ᐊᒡᔭᖅᓯᑲᑕᒋᐊᖃᕐᓗᓂ, ᑎᒥᓗ ᓴᓂᒨᖅᑎᑦᑕᕆᐊᖃᖅᐸᒡᓗᓂ, ᐅᕝᕙᓘᓐᓃᑦ ᐊᑕᐅᓯᑦᑕᐃᓐᓇᒥ ᐊᐅᓚᖃᑦᑕᕆᐊᖃᕐᓗᓂ.
• ᐃᖅᑲᓇᐃᔭᕈᑏᑦ ᐋᖅᑭᒃᑕᐅᓯᒪᓂᖏᑦ ᓈᒻᒪᙱᓗᐊᕐᓗᑎᒃ – ᓴᓇᕐᕈᑎᑦ ᐅᕝᕙᓘᓐᓃᑦ ᓴᓇᔭᕆᐊᓕᖕᓄᑦ ᐊᑐᖅᑕᐅᕙᒃᑐᑦ ᐃᖅᑲᓇᐃᔭᖅᑐᓂᒃ ᑎᒥᖏᓄᑦ ᓈᒻᒪᙱᓗᐊᖅᓗᑎᒃ.

ᐃᓄᒋᐊᒃᐹ ᐃᖅᑲᓇᐃᔭᕐᕕᖕᓂ ᐱᓕᕆᐊᖃᑐᐃᓐᓇᕆᐊᓖᑦ ᓇᓗᓇᐃᔭᖅᑕᐅᓯᒪᔪᓂ ᖁᓛᓂ? ᑕᑯᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐃᖅᑲᓇᐃᔭᕐᕕᖕᒥ ᐋᖅᑭᒃᓯᒪᓂᕐᒧᑦ ᐃᖢᕐᕆᓂᕐᓄᑦ ᐅᓗᕆᐊᓇᕈᓐᓇᖅᑐᑦ ᑲᒪᒋᔭᐅᖁᓪᓗᒋᑦ ᑕᒪᒃᑯᐊ ᐅᓗᕆᐊᓇᕈᓐᓇᖅᑐᑦ ᐃᖅᑲᓇᐃᔭᖃᑎᖕᓂ, ᐅᓗᕆᐊᓇᓗᐊᕈᓐᓃᖅᑎᓪᓗᒋᑦ ᑭᒃᑯᓕᒫᓄᑦ ᐅᓗᕆᐊᓇᕈᓐᓇᖅᑐᑦ ᐋᓐᓂᕐᓂᕐᒧᑦ.

ᐃᖅᑲᓇᐃᔭᕐᕖᑦ – ᕿᒥᕐᕈᓗᑎᒃ ᐱᐅᓯᒋᐊᕈᑕᐅᔪᓐᓇᖅᑐᓄᑦ ᐊᑦᑕᕐᓇᖅᑕᐃᓕᒪᓂᕐᓄᑦ, ᐅᕝᕙᓘᓐᓃᑦ ᑐᑯᔪᒪᒍᕕᑦ ᖃᓄᖅ ᐱᓕᕆᐊᖃᕐᒪᖔᑦ ᐊᑦᑕᕐᓇᖅᑕᐃᓕᒪᓂᖅ ᓯᕗᓪᓕᐅᔾᔭᐅᖁᓪᓗᒍ ᐃᖅᑲᓇᐃᔭᕐᕕᖕᓂ? Safe Workplace-ᒥ ᐱᓕᕆᖃᖅ ᐃᑲᔪᕈᓐᓇᖅᑐᖅ ᓇᓗᓇᐃᔭᐃᓗᑎᒃ ᐊᑦᑕᕐᓇᖅᑕᐃᓕᒪᕝᕕᐅᔪᓐᓇᖅᑐᓂᒃ ᐅᔾᔨᕆᔭᕆᐊᖃᑐᐃᓐᓇᕆᐊᖃᖅᑕᑎᑦ ᐊᒻᒪᓗ ᐃᑲᔪᖅᑐᕆᐊᖃᑐᐃᓐᓇᕆᐊᖃᖅᑕᑎᑦ.

ᖃᐅᔨᒃᑲᓐᓂᕈᒪᒍᕕᑦ, ᑕᑯᔭᖅᑐᕐᓗᒋᑦ Safe Workplace ᑎᑎᕋᖅᓯᕝᕕᒃ ᐅᖃᖃᑎᒋᓗᑎᒍᓪᓘᓐᓃᑦ ᐅᑯᑎᒎᓇᖅ safeworkplace@wscc.nt.ca ᐅᕝᕙᓘᓐᓃᑦ safeworkplace@wscc.nu.ca.

ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪᓗ ᐋᓐᓂᐊᖃᖅᑕᐃᓕᒪᓂᕐᒧᑦ ᐱᓇᓱᐊᕈᓯᖅ ᐱᕕᒃᓴᐅᔪᖅ ᐃᖅᑲᓇᐃᔭᕐᕕᖕᓄᑦ, ᐃᖅᑲᓇᐃᔭᖅᑎᓄᑦ, ᐊᒻᒪᓗ ᐃᓄᓕᒫᑦ ᑐᕌᒐᖃᕐᓗᑎᒃ ᐱᒻᒪᕆᐅᓂᖓᓂᒃ ᐋᓐᓂᖅᑕᐃᓕᒪᓂᖅ ᐃᖅᑲᓇᐃᔭᕐᑯᖕᒥ ᐊᒻᒪ ᐋᓐᓂᐊᖅᑖᖅᑕᐃᓕᒪᓂᖅ. ᖁᕕᐊᓲᑕᐅᓲᖅ ᐅᐊᖕᓇᖔᖓᓂ ᐊᒥᐊᓕᒃᑲᑦ ᓯᕗᓪᓕᖅᐹᒥ ᐱᓇᓱᐊᕈᓯᓗᒃᑖᒥ ᒪᐃᒥ ᐊᕐᕌᒍᑕᒫᑦ. 

ᐃᑲᔪᖅᑐᖅᑕᐅᖁᓪᓗᒋᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪᓗ ᐋᓐᓂᐊᖃᖅᑕᐃᓕᒪᓂᕐᒧᑦ ᐱᓇᓱᐊᕈᓯᖓᓐᓂᒃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑐᐃᓐᓇᐅᑎᑦᑎᔪᑦ ᑐᕌᒐᖃᖅᖢᑎᒃ ᖃᐅᔨᓴᕐᓂᕐᒥᒃ ᐱᔪᒥᒍᓱᒃᑐᓄᑦ ᐃᖅᑲᓇᐃᔭᕐᕕᖕᓄᑦ ᐃᑲᔪᕐᓂᐊᖅᑐᑦ ᖃᐅᔨᔭᐅᓗᑎᒃ ᐃᖅᑲᓇᐃᔭᕐᕕᖕᒥ ᐋᖅᑭᒃᓯᒪᓂᕐᒧᑦ ᐃᖢᕐᕆᓂᕐᓄᑦ ᐅᓗᕆᐊᓇᕈᓐᓇᖅᑐᑦ ᐃᖅᑲᓇᐃᔭᕐᕕᖏᓐᓂ ᑕᖅᑭᓕᒫᖓᓂ ᒪᐃ!

ᖃᐅᔨᒪᓚᐅᖅᐱᑦ: ᐱᓕᕆᓪᓗᓂ ᐅᓗᕆᐊᓇᖅᑐᒥ ᐋᓐᓂᕈᑎᐅᔭᑦᑐᑦ ᐋᓐᓂᕈᑎᐅᓯᒪᔪᑦ ᒫᓂ 20 ᐳᓴᓐᑎᒥ ᑕᒪᐃᓐᓂ ᐋᓐᓂᕈᑎᓄᑦ ᑮᓇᐅᔭᖅᑖᕋᓲᑎᒋᔭᐅᔪᑎᒍ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᐅᑯᐊ 2021 ᐊᒻᒪ 2023 ᐊᑯᓐᓂᖓᓂ. 

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔪᕈᒪᖕᒪᑕ ᐃᖅᑲᓇᐃᔭᖅᑎᑦᑎᔨᓂᒃ ᑕᒪᒃᑯᓄᖓ ᐱᕐᕈᓗᐊᕿᑎᑦᑎᑦᑕᐃᓕᓂᕐᒧᑦ. ᑐᒃᓯᕋᕈᒪᒍᕕᑦ ᑐᕌᒐᖃᖅᑐᓂᒃ ᖃᐅᔨᓴᖅᑕᐅᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂᑦ (WSCC) ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᔨᒧᑦ ᐃᑲᔪᖅᑕᐅᓗᑎᒃ ᓇᓗᓇᐃᔭᐃᓂᕐᒧᑦ, ᐊᐅᓚᑦᑎᓂᕐᒧᑦ, ᐊᒻᒪᓗ ᐱᑕᖃᕈᓐᓃᖅᑎᑦᑎᓂᕐᒧᑦ ᐃᖅᑲᓇᐃᔭᕐᕕᖕᒥ ᐋᖅᑭᒃᓯᒪᓂᕐᒧᑦ ᐃᖢᕐᕆᓂᕐᓄᑦ ᐅᓗᕆᐊᓇᕈᓐᓇᖅᑐᓂᒃ ᐃᖅᑲᓇᐃᔭᕐᕕᖏᓐᓂᒃ, ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᑎᑎᖃᕐᕕᒋᓗᒋᑦ SafetySpotlight@wscc.nt.ca ᐅᕝᕙᓘᓐᓃᑦ SafetySpotlight@wscc.nu.ca ᐅᓪᓗᒥ!

ᐊᒻᒪᓗ ᑕᑯᒋᐊᕈᓐᓇᖅᑕᓯ ᐅᓇ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᖃᕋᓴᐅᔭᒃᑯᑦ ᒪᒃᐱᒐᑦᑎᓐᓂ ᑕᒪᑐᒥᖓ ᑐᓴᒃᑲᓐᓂᕐᓂᐊᕋᔅᓯ ᐊᒻᒪ ᐃᑲᔫᑎᐅᔪᓐᓇᖅᑐᓂᒃ ᐱᓕᕆᓪᓗᓂ ᐅᓗᕆᐊᓇᖅᑐᓕᕆᓂᕐᒧᑦ.

ᓇᐹᖅᑐᑦ ᐃᑭᖃᑦᑕᖅᐸᓪᓕᐊᓂᐊᓕᖅᑎᓪᓗᒋᑦ ᓄᓇᑦᓯᐊᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᕙᓪᓕᐊᔪᑦ ᐃᑲᔫᑎᒃᓴᒥᒃ ᑲᒪᒋᔭᐅᖁᓪᓗᒋᑦ ᓇᓕᐊᓪᓚᑦᑖᑦ ᐃᖅᑲᓇᐃᔭᕐᕕᖕᓂ ᐅᓗᕆᐊᓇᕈᓐᓇᖅᑐᑦ, ᐊᒻᒪᓗ ᖃᓄᖅ ᐃᖅᑲᓇᐃᔭᕐᕖᑦ ᑐᓴᐅᒪᖃᑎᒌᒍᑎᖃᕈᓐᓇᕐᒪᖔᑕ ᐅᓗᕆᐊᓇᕈᓐᓇᖅᑐᓂᒃ ᐃᖅᑲᓇᐃᔭᖅᑎᓄᑦ.

ᓄᑖᖑᓛᖅ ᐃᑲᔫᑎᒃᓴᖅ ᑕᐃᔭᐅᔪᖅ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐅᖃᐅᓯᖃᖅᑐᑦ ᐅᓗᕆᐊᓇᖅᑐᑦ ᓇᐹᖅᑐᓂᒃ. ᐅᓗᕆᐊᓇᖅᑐᑦ ᓇᐹᖅᑐᑦ ᓇᐹᖅᑑᔪᑦ ᓱᕐᕌᙱᑦᑑᖏᑦᑐᑦ ᐅᕐᕈᑐᐃᓐᓇᕆᐊᓖᑦ ᓱᕋᑐᐃᓐᓇᕆᐊᓖᓪᓘᓐᓃᑦ ᖃᖓᑐᐃᓐᓇᖅ. ᐅᖃᐅᓯᖃᖅᑎᓪᓗᑕ ᐅᓗᕆᐊᓇᖅᑐᓂᒃ ᓇᐋᖅᑐᓂᒃ ᓄᓇᐃᓐᓇᕐᒥ ᐃᑭᓐᓂᐅᕙᒃᑐᓂᒃ, ᓇᐸᐃᓐᓇᖅᓯᒪᔪᑦ ᐃᑭᑦᑐᖃᓚᐅᖅᑎᓪᓗᒍ, ᐊᒻᒪᓗ ᐃᖅᑲᓇᐃᔭᕐᕕᖕᓂ ᐅᓗᕆᐊᓇᕈᓐᓇᖅᑐᑦ ᑭᓱᑐᐃᓐᓇᓄᑦ ᓄᓇᐃᓐᓇᕐᒥ ᖃᑦᑎᕆᔨᓄᑦ, ᐊᒻᒪᓗᑦᑕᐅᖅ ᓄᓇᖓ ᐅᑎᖅᑎᑕᐅᕙᓪᓕᐊᑎᓪᓗᒍ ᓴᓗᒻᒪᖅᓴᐃᑎᓪᓗᒋᓪᓘᓐᓃᑦ ᐃᖅᑲᓇᐃᔭᖅᑏᑦ. ᐃᖅᑲᓇᐃᔭᕐᕖᑦ ᐊᑐᕈᓐᓇᖅᑐᑦ ᑖᔅᓱᒥᖓ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᒥᒃ ᐃᑲᔪᖅᑕᐅᖁᓪᓗᒋᑦ ᐃᖅᑲᓇᐃᔭᖅᑏᑦ ᓇᓗᓇᐃᔭᐃᑎᓪᓗᒋᑦ ᐅᓗᕆᐊᓇᖅᑐᓂᒃ ᓇᐹᖅᑐᓂᒃ ᐅᓗᕆᐊᓇᕈᓐᓇᖅᑐᓂᒃ, ᐅᖃᖃᑎᒌᒍᑕᐅᓗᑎᒃ ᖃᓄᖅ ᐊᐅᓚᑕᐅᔪᓐᓇᕐᒪᖔᑦ ᐅᓗᕆᐊᓇᕈᓐᓇᖅᑐᖅ, ᖃᓄᕐᓗ ᐋᓐᓂᖅᑕᐃᓕᒪᔪᓐᓇᕐᒪᖔᑦ. 

ᖃᕆᓴᐅᔭᕐᓄᐊᕐᓗᒍ ᐅᓗᕆᐊᓇᖅᑐᑦ ᓇᐹᖅᑐᓄᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐅᕘᓇ.

ᓂᕿᒃᓴᖅᓯᐅᕈᒪᓇᓱᒃᐲᑦ ᒧᐊᕈᓪ ᐳᔪᐊᓗᖕᓂᒃ ᐊᕐᕌᒍᒥ ᑕᒪᑐᒪᓂ? ᐃᖅᑲᓇᐃᔭᕈᕕᑦ ᐃᒻᒥᒧᑦ, ᑎᑎᕋᖅᑕᐅᑎᑦᑐᓐᓇᖅᑕᑦ ᓇᖕᒥᓂᖁᑏᑦ ᐊᒻᒪᓗ ᐆᒃᑐᕐᓗᑎᑦ ᐃᒻᒥᒧᑦ ᐊᑐᖅᑕᐅᖔᕈᓐᓇᖅᑐᑦ ᐊᑭᓕᒐᒃᓴᑦ ᐊᔾᔨᖏᓐᓂᒃ ᐃᑲᔫᓯᐊᖃᑦᑕᕈᓐᓇᖁᓪᓗᑎᑦ ᓴᐳᔾᔭᐅᓯᒪᖁᓪᓗᑎᓪᓗ ᐊᓯᒃᑐᑦ ᐃᖅᑲᓇᐃᔭᖅᑎᑐᑦ. ᑎᑎᕋᖅᑕᐅᖁᒍᖕᓂ ᓇᖕᒥᓂᖁᑏᑦ, ᐆᒃᑐᕈᓐᓇᖅᑐᑎᑦ ᐅᕘᓇ WSCC Connect.

ᐃᓚᓕᐅᑎᒋᑦ ᐱᓕᕆᖃᑎᒌᑦᑎᓐᓄᑦ!

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓃᓐᓇᐅᔭᖅᑐᑦ ᓄᑖᓂᒃ ᖃᐅᔨᒪᔪᓂᒃ ᐃᓚᓕᐅᑎᔪᒪᔪᓂᒃ ᑕᒪᐃᓐᓂᒃ ᔭᓗᓇᐃᕝᒥ ᐃᖃᓗᖕᓂᓗ ᑎᑎᕋᕐᕕᑦᑎᓐᓂ. ᑕᑯᔪᒪᒍᕕᑦ ᑭᓱᑦ ᐊᑐᐃᓐᓇᐅᖕᒪᖔᑕ, ᓇᕿᓪᓗᒍ ᐅᕘᓇ. 

ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖓᑦ ᒪᑐᓯᒪᓂᐊᖅᑐᑦ ᑯᐃᓐ ᕕᒃᑖᕆᔭ ᓇᓪᓕᐅᓐᓂᖅᓯᐃᓂᖓᓂ ᐅᓪᓗᖓᓂ ᓇᒡᒐᔾᔭ, ᒪᐃ 20−ᒥ, ᐊᒻᒪᓗ ᐅᒃᑯᐃᒃᑲᓐᓂᕐᓗᑎᒃ ᐊᐃᑉᐹ, ᒪᐃ 21−ᒥ, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407